صديقنا وصلنا في الوقت المناسب قبل ما يدفع مبالغ كبيرة.
هذا الموقع والتطبيق توك في اي بي توب موقع نصب عن طريق انجاز المهمات الوهمية، لكن كيف يعني مهمات وكيف تمشي على الناس؟
الفكرة ببساطة يجيبلك صفقة يقول لك اشتري كذا تحصل ارباح كذا فانت تطمع تقول ربح سهل تروح تشحن اول مرة طبعا غالبا الشحن يكون عن طريق محافظ العملات الرقمية حتى ما يقدر احد يتتبعهم، تشحن وبالفعل تشوف ان نزل لك على تطبيقهم الوهمي ارباح. فتزيد الشحن وتطمع اكثر واكثر حتى تزيد ارباحك، ولكن للاسف ما تقرر ان بتسحب اموالك او ارباحك ما تقدر.
هذه صور موضحة من داخل احط تطبيقات النصب من خلال المهمات.
كذا يكون شكل الحساب من الداخل، من داخل الموقع حقهم يجيب لك اسمك ورقم التسجيل، حتى الترجمة عندهم غلط، يكون عندك حساب ومكان للشحن ومكان الصفحات كان عادي يعني، ويعطيك منتجات غريبة عجيبة يقول لك اذا تشتركي من هذه الطاولة خمسين قطعة مثلا يجيك ارباح كذا وكذا، واعمل مهمات وحصل فلوس وهمية، وما تعرف انه وهمي الا لما تقرر ان بتسحب ارباحك.
وكما اسلفنا يستخدمون طرق دفع غير قابلة للتتبع عن طريق شراء العملات الرقمية باستخدام تطبيقات حقيقة من باينانس او او كي اكس
